影片
更多
2005-01-30
2 瀏覽
一家五口(四大一小)中午到潮州公館試菜飲荼.先來一碟鵝紅及一碟墨魚併鵝片;先講鵝紅,賣35蚊一碟,香滑無比,從未食過咁好味鵝紅.一碟已經夠五個人食.至於那碟墨魚併鵝片,侍應話叫做麒麟鵝片,其實係一片鵝片隔著一片墨魚;墨魚爽口鮮甜,不似一般大路貨.另外鵝片方面,鹵水汁非常入味.啖啖肉,只賣78蚊,抵!跟著叫了幾個點心,先來一碟菜棵,皮很薄,煎得很香軟,未來奶奶猛話正,連食兩件.跟著來了一碟炸饅頭,附上練奶,一碟四件,小朋友連吃三件,我吃了餘下的一件,發覺外皮脆,入面鬆軟.好.帶子餃就ok啦,無乜特別.椒鹽九肚魚,去骨才炸,好和味.蛋煎糯米雞,勁蛋香,又唔會太乾.出面小有咁好食.排骨陳村粉,必試.用長方形銻盤上碟,熱騰騰,配上蔥花炸菜,很香滑爽口.最後來個水晶飽,一籠四粒,皮薄彈口,又不太甜.埋單380多元,很抵附註一提,環境勁high,全落地玻璃,可望見鯉魚門海景,裝修古樸清雅.高級食肆格局,d唔逼,可惜在漁人碼頭,比較吊腳.
先來一碟鵝紅及一碟墨魚併鵝片;先講鵝紅,賣35蚊一碟,香滑無比,從未食過咁好味鵝紅.一碟已經夠五個人食.
至於那碟墨魚併鵝片,侍應話叫做麒麟鵝片,其實係一片鵝片隔著一片墨魚;墨魚爽口鮮甜,不似一般大路貨.另外鵝片方面,鹵水汁非常入味.啖啖肉,只賣78蚊,抵!
跟著叫了幾個點心,先來一碟菜棵,皮很薄,煎得很香軟,未來奶奶猛話正,連食兩件.
跟著來了一碟炸饅頭,附上練奶,一碟四件,小朋友連吃三件,我吃了餘下的一件,發覺外皮脆,入面鬆軟.好.
帶子餃就ok啦,無乜特別.
椒鹽九肚魚,去骨才炸,好和味.
蛋煎糯米雞,勁蛋香,又唔會太乾.出面小有咁好食.
排骨陳村粉,必試.用長方形銻盤上碟,熱騰騰,配上蔥花炸菜,很香滑爽口.
最後來個水晶飽,一籠四粒,皮薄彈口,又不太甜.
埋單380多元,很抵
附註一提,環境勁high,全落地玻璃,可望見鯉魚門海景,裝修古樸清雅.高級食肆格局,d唔逼,可惜在漁人碼頭,比較吊腳.
張貼