饗 車仔麵 (已結業)

今日去到深水埗見到有間車仔麵都幾多人等位就看餐牌都多食物選擇就和朋友一齊食等晚餐，幸好都好快有位坐，我們各自點了一個麵食和二個小食，沒想到份量咁大都吃不完碗麵。 首先來的是蒜泥白肉，蒜味十足又夠辣，白肉又夠爽口。蝦多士有四件和二件選擇，我們二人要了二件，十分新鮮，等一陣食剛好，包好軟熟又不油，蝦夠爽口又多。而這裡的飲品凍檸檬茶都大杯又抵飲，茶味都濃不會太甜。 車仔麵二碗來到十分大碗，一夾好多麵，我要的是幼麵爽口，河粉又滑，秘制辣汁仲有分大中小辣，我要了小辣都夠惹味，大腸好入味而且口感軟熟，雞中翼大大隻，柱候牛腩入味又淋身，蘿蔔好大舊夠清甜。咖哩豬皮惹味帶微辣，仲叫了大件腩肉和豬紅，最後麵太多都吃不完。