芝加哥串燒酒場 (太和中心)

同女朋友行經太和又想食串燒同飲下酒，見到芝加哥酒場環境唔錯又多野食於是就食左去食，首先點左2杯酒精飲品，godiva chocolate 同埋snow ball。2杯都唔算重酒精味，十分易入口，好岩d唔鐘意酒精既朋友仔。之後點左幾樣串燒，同埋個松露薯條同炸魷魚。薯條十分香脆，松露醬好香食唔停口。魷魚都好外脆內彈牙。之後再試左個豬頸肉，肉質好冧同入味，口感特別。另外再叫大蟹柳同佢隻芝士好夾。而比較傳統既牛肉，雞腎都十入入味。食左幾樣野已經好飽，太多選擇，下次要再試。