GF Bistro (已搬遷) 新店位置

在這個商場內的戲院睇完戲，已經係下午茶時間，於是搵下嘢食。經過這餐廳睇見有十元一隻生蠔食，於是入去試下。餐牌介紹是太平洋生蠔，只限堂食，供應時間12:00至17:00。我們叫了半打，每人三隻，蠔的體積一般，蠔肉不是十分飽滿，但都算新鮮，有鹹水味，不腥，少少地食下都唔錯。如果想食更美味的蠔，餐廳都有其他品種可選擇，仲有張選蠔攻略俾客人看。食完蠔，就開始食叫左嘅餐。龍蝦湯海鮮天使麵，濃郁蝦湯配上青口、魷魚圈，蝦仁，蜆肉，天使麵細長彈牙，掛上鮮甜的湯汁，十分惹味。吞拿魚三文治，呢個三文治我見好多人叫，望去賣相又幾好，於是我哋又叫一份。三文治內的吞拿魚配有沙律醬及生菜，酸酸甜甜很開胃，麵包烘得恰到好處，又香又脆，真係好食。餐飲要了兩杯熱咖啡，雖然份量少，但咖啡味濃厚，味道不錯。