寶寶雞煲

營業中

休息中

打邊爐愛好者就係無論幾時，天氣幾多度都照打邊爐，以前已經識得寶寶雞煲呢間舖頭，喺旺角嗰邊，而家原來轉左喺太子，好耐冇食過發現多咗好多湯底選擇，呢排天氣乾，所以揀咗個椰子雞湯底潤一潤，差唔多有半隻雞份量雞件一齊上，滾咗一陣差不多熟曬就可以先飲一啖湯，算幾清甜，我哋另外叫左拎手切牛頸脊，響鈴，蔬菜拼盤，海鮮方便叫咗帶子同埋白鱔片，嘢食都好新鮮，切得有厚度，牛頸脊尤其好有牛味唔會靭，總括嚟講啲嘢食質素真係唔錯。特別推介大家叫個牛筋丸，因為佢個質地係非常爽口彈牙，入邊仲有啲汁爆出嚟，係我鍾意嘅口感。