十三少 (已結業)

天氣陰陰，又係一個好時候去食辣野。放工後拉左老公去十三少，滿足下自己既慾望先。食辣野開動之前，整返個蒜泥青瓜，涼一涼個胃。青瓜清甜爽脆，唔會有過多調味料，簡簡單單用上蒜蓉，用來做前菜就最適合不過。食完過蒜泥青瓜之後，我地開始進入主題，叫左個乾煸四季豆(辣)。餐廳將四季豆炒得非常乾身，並唔會有油膩膩既感覺。四季豆份量都幾多下，經過辣炒之後好有味道，係屋企係完全唔會煮到依個水準。最後，老公就叫左個辣子雞軟骨，話要挑戰一下。真係唔係講笑，完來老公鐘意食辣既程度仲比我更高，佢既評語係雞軟骨既鹹同辣味非常match，食完腰果唔夠喉，仲可以單食辣椒，話個辣度對於佢黎講係岩岩好。睇黎我都要訓練下自己食辣既level，下次再黎挑戰一下老公。