十三少 (已結業)

天氣炎熱，我卻更喜歡食辣野，出一身汗，幫助排毒。黎到十三少酸菜魚，我就先叫個麻辣鹵豬手，雖然名稱叫麻辣鹵豬手，而且帶點赤紅色的，但食落其實不是十分辣，而且做得肥而不膩，Q彈軟嫩，非常爽口。之後，我當然要挑一挑戰這裡的名菜，十三少酸菜魚。這就有點意思，酸菜魚不論作為火鍋湯底或送飯菜式都是一流的開胃菜，首先酸菜的味道非常強烈，而且酸中帶辣，配上嫩滑的魚，魚要連湯及配菜一齊食先夠過癮。朋友話想食一個小食，叫乾煸肥腸。其實即是豬大腸，好耐都未食過，原來大腸用辣炒形式去煮都幾好味，比較乾身同辣爽。食辣愈食愈開胃，最後都要叫碟蝦仁炒飯，炒飯入面豐有蛋黃，炒得非常香口，配埋酸菜魚一齊食，味道實是一流。