更多
2021-01-04
79 瀏覽
知道銅鑼灣禮信大廈附近開咗間大概一星期嘅韓國便當叫韓二妹,我最鍾意試新嘢就第一時間走去試。我今次order咗蜜糖芥末炸雞,同埋黑椒薯仔牛柳粒飯。全部食物都係order咗之後店員先開始整,所以格外新鮮及熱辣辣。睇住佢放d炸雞落去炸,而且老闆娘介紹食物時亦都有提到所有食物都冇加味精,所以都比較健康同埋食物比較原汁原味。炸雞點埋個蜜糖芥末醬真係食到停唔到口,絕對係值得推介。而黑椒牛柳粒就好有牛嘅香味,而且最緊要係入口即化一d都唔韌,薯仔粒炆得好冧同牛柳粒係絕配。值得一提店舖裝修係行簡約路線, 而且有好多貓咪嘅裝飾,睇得出老闆娘絕對係愛貓之人。
張貼