饗 車仔麵 (已結業)

本人本身係同區另一車仔麵店既Fans,但每一次食都覺得好重口味。呢間車仔麵店都係睇網友既推介,地點好就腳,就係西九龍中心附近。同其他車仔麵店落單既方法差不多,都係膠片上mark食材。有唔同既組合,鍾意幾餸就幾餸。仲要見到有飯餐,不過我當日食,餐廳就話無飯餐供應,搞到有啲朋友都離開無食到。不過我覺得,車仔麵店都係專心做麵。介紹番,佢地標榜無味精湯底。我就揀左四個餸,分別係 流心蛋,牛腩,咖喱魷魚同魚皮餃。首先係湯底,都幾清,飲左幾啖都唔口乾。其二,我揀幼麵,無乜梘水味,麵質都可以接受。到餸菜方面,(其實佢擺得都幾靚),蛋有流心,略嫌味道較淡,如果用細碟另上會開心啲,因為啲蛋汁都流左少少落去湯到。牛腩: 唔算硬,不過可以重味少少咖喱魷魚: 份量都okay多,有"o趙"頭最最最驚喜係 魚皮餃 呀!!是咁的,我都真係幾鍾意食魚皮餃,無論係小食店既定潮州粉麵既。點解咁驚喜呢?1. 佢個皮好煙韌,但唔會過厚2. 肉餡夠,粒粒飽滿3. 無乜腥味唔似出邊入x海魚蛋啲貨,當然唔知佢係自家包定係人地交貨,個人口味而言,最推薦係魚皮餃,其二係流心蛋~相信下次可以再食其他餸