小城鎮 (已結業)

慶祝朋友的生日，就近近地去北角搵吓美食，朋友指明想食西餐，就上OpenRice搵吓，見到呢間餐廳食評都不錯👍🏻。餐廳門口擺放不同嘅招牌-是日推介食物及餐牌，我們先看一下餐牌食物啱唔啱食，原來食物都幾多花款，而且入面僅餘一張枱，最後二話不說入去坐低左。餐牌厚厚的，入面嘅食物圖文並茂，每一樣食物都好想試吓。心大心細之下，每人首先飲一碗套餐入面嘅日餐湯濕濕口，而且味道剛剛好，唔會太甜。飲品方面，竟然有我最喜歡嘅特濃朱古力，非常大愛！鮮奶表面拉花成心型圖案，真的好考功夫，而且飲落去質感好滑，好好飲！朋友們叫了幾杯凍檸茶。我們四人就叫了四份主菜。還Order了西班牙海鮮飯等。朋友喜歡吃香煎比目魚扒配香草忌廉汁，就特意叫了給他食。我也不忘試一小塊，咬落去第一啖非常滑溜。主菜方面，有我最喜歡嘅香烤德式豬手配酸菜及薯角。豬手切成一塊塊，而且份量都比較多 ，驟眼睇外皮香脆無比，食落去果然係外脆內軟。配以薯條再點茄汁一齊食，非常滿足。最後埋單都只係$900有找，每人平均消費只係$200左右，係北角區搵到咁高質素、殷勤服務、坐得舒適嘅西餐廳已經買少見少了。