竜王居酒屋 (已結業)

位於北角和富中心的「竜王」，係一間新開嘅日式居酒屋🏮店內樓底頗高，空間感十足，裝修型格時尚👍🏻餐廳宗旨係希望食客用居酒屋嘅價錢食到Omakase嘅質素，同時亦係少數有提供熟成刺身的居酒屋雜錦魚生沙律新鮮雜錦沙律菜，口感爽脆～加入柚子醋汁及雜錦時令角切魚生粒，好fresh又開胃日本番薯條配沖繩黑糖新鮮日本番薯切成條狀炸香，口感粉糥，非常香甜，充滿番薯香三文魚火炙壽司壽司飯加入左醬油調味，唔使點豉油都好夠味～火炙三文魚都幾鮮甜肥美左口魚邊火炙壽司大大片左口魚邊火炙燒至半熟，好肥美，魚油滲透進壽司飯裏面，有入口即溶嘅感覺竜王卷賣相一流，陣容鼎盛嘅「竜王卷」，表面有大堆頭嘅吞拿魚茸、蟹籽及三文魚籽，頗新鮮，滿有魚鮮味哦！紫菜飯卷中間包住天婦羅炸蝦及青瓜絲，整體味道及口感都非常豐富宮崎產煙燻黑豚配蜜糖芥末醬半肥瘦嘅宮崎黑豚肉入口軟嫩，帶有獨特的煙燻香氣，微微鹹，好美味