酒盗 (已結業)

中午同閨密嚟咗北角錦屏街呢間居酒屋，我哋兩個都叫咗海鮮杯飯*烏冬定食。定食套餐包括前菜、日式蒸蛋、麵豉湯、主食同埋甜品。日式蒸蛋好滑，麵豉湯味道適中，唔會太咸。主食嘅海鮮杯飯有蝦、帶子、魚生、魚籽、吞拿魚蓉，所有海鮮都好新鮮，完全無魚腥味，配合埋下層嘅壽司飯，非常美味👍🏻而另一主食烏冬湯麵亦好煙韌😋之後師傅知道我哋生日仲特別為我哋送上玫瑰帶子魚生飯，好靚好驚喜🤩🥰最後以黑芝麻雪糕為呢個簡單美味嘅午餐作結。