上海小聚 (已結業)

北角新開嘅餃子店見一個set大概係60-65左右，都幾扺，而且仲有前菜配菜同埋嘢飲，所以就去咗試吓啦！上海葱烤排骨麵餐 $62排骨一大塊放響面，煮到好淋，啲肉一咬就開，都幾好食，如果切埋就更好啦！個餐都包幾多野，有得揀前菜，我就揀咗雲耳，酸酸地幾開胃。西洋菜鮮肉餃子 $55 7隻 麻辣湯底麻辣湯底我個人就覺得唔辣嘅，不過勝在幾特別，平時去食餃子啲湯都好似好養生咁，今次食麻辣別有一番風味。西洋菜餃子超級大隻，皮薄得黎又好多餡大白菜鮮肉煎餃 $59 7隻 煎餃就要等耐少少，餃子層皮煎到脆卜卜，入面超級多豬肉，肉同菜嘅比例大概係8:2，真係啲料落得唔慳皮！