上湯焗美國龍蝦伊麵
呢碟龍蝦，上到來已經覺得好似好唔熱咁，成個賣相無晒個氣場，啲龍蝦好少，仲好碎。食落去只係暖暖地，肉質少少霉，伊麵打茨打都好勁。說好的芝士同焗既感覺都唔係好feel到。
東瀛大元貝
其實整體來講呢個元貝算係OK，size係屬於中型啦，不過就蒸得略熟，有點老了。粉絲吸晒啲蒜味，好正。不過咩係東瀛元貝呢? 日本? 係咪真架?
清蒸沙巴龍躉
1斤重既龍躉，無呃秤，蒸得岩岩好，唔錯。肉質是可以的，但有點泥既味道。
蒜蓉蝦干蒸勝瓜
呢個係另外叫既餸，係全晚覺得較為滿意既一道菜。蝦干夠大隻，好野來，好多蔥同蒜蓉，配上勝瓜，軟硬層次都有，咸鮮同清新，咁既配搭真係好match!
完咗之後，每人有碗送既紅豆沙食，好沙好好味的，呢份心意值得欣賞。整體服務都唔錯，抵讚! 如果再來呢度，我唔會再叫呢個餐啦，因為佢都有好多唔同既小菜海鮮可以散叫，散叫既水準同食材，應該會好過套餐!
譽廚正宗粤菜
1/F, King's Tower, 480 King's Road, North Point
