影片
更多
2020-10-11
796 瀏覽
中秋過左天氣冇咁熱，食Shabu Shabu就岩晒啦！喺北角匯二期影完紫藤見到呢間日式火鍋放題，門口幾搶眼，俾佢個牛牛logo吸引左埋去睇睇。價錢睇你揀既牛肉產地級數而異，想平平地食又或者豪食都無問題，補錢追加埋sake任飲又得，配搭由你定。火煱既靈魂都係個湯底，食牛都係揀返個light d既大地鰹魚湯底，咁樣牛味同油香會相對突出一d。日式shabu Shabu既賣點就係可以一人鍋，咁就點埋牛牛秘見(Sukiyaki)鍋比較下。牛肉來自澳洲穀飼牛，其他肉食仲包埋紐西蘭草原羊肩肉、丹麥皇冠豚，比想像更豐富!自助食物角落有大量時令蔬菜、魚片、雞肉及各式丸類供應，第一回貪心D黎個大雜燴樣樣齊，配料當中以珍寶級超長蟹柳同福袋最省鏡！火鍋既混醬環節一定不能馬虎，醬汁佐料區任你配搭出屬於自己既口味，亮點有my favour既泰國Lime吖～ 加埋椒粒、葱花、莞茜之後辣得出色之餘又帶點微微酸甜感，即刻醒胃!來一杯暖sake暖一暖胃，熱身之後就動手灼熟肉食。牛肉薄切只需拖一拖熱湯就可以享用，油脂含量適中，不太膩之餘又有一種嫩滑感，沾少少麻醬更香口。今次鰹魚湯既好處無論煮耐左還是多次加湯，味道仍然唔會越
喺北角匯二期影完紫藤見到呢間日式火鍋放題，門口幾搶眼，俾佢個牛牛logo吸引左埋去睇睇。
價錢睇你揀既牛肉產地級數而異，想平平地食又或者豪食都無問題，補錢追加埋sake任飲又得，配搭由你定。
火煱既靈魂都係個湯底，食牛都係揀返個light d既大地鰹魚湯底，咁樣牛味同油香會相對突出一d。日式shabu Shabu既賣點就係可以一人鍋，咁就點埋牛牛秘見(Sukiyaki)鍋比較下。
牛肉來自澳洲穀飼牛，其他肉食仲包埋紐西蘭草原羊肩肉、丹麥皇冠豚，比想像更豐富!
自助食物角落有大量時令蔬菜、魚片、雞肉及各式丸類供應，第一回貪心D黎個大雜燴樣樣齊，配料當中以珍寶級超長蟹柳同福袋最省鏡！
火鍋既混醬環節一定不能馬虎，醬汁佐料區任你配搭出屬於自己既口味，亮點有my favour既泰國Lime吖～ 加埋椒粒、葱花、莞茜之後辣得出色之餘又帶點微微酸甜感，即刻醒胃!
來一杯暖sake暖一暖胃，熱身之後就動手灼熟肉食。牛肉薄切只需拖一拖熱湯就可以享用，油脂含量適中，不太膩之餘又有一種嫩滑感，沾少少麻醬更香口。
今次鰹魚湯既好處無論煮耐左還是多次加湯，味道仍然唔會越食越濃味，食到尾段都冇口乾口渴，係一個幾好既選擇。
飲品櫃除左提供罐裝飲料之餘，旁邊還有兩座玻璃壼，係店家製既新鮮蘋果汁、橙汁。
不過都有8分飽肚，唯有取捨一下食甜品，雪糕球有我最鍾意既movepick 朱古力味，加埋一條Oreo雪糕棒，飽到快要投降了!!!
張貼
