星期六晚同男友食完飯行返屋企 ; 大約十一點左右 ; 經過書局街; 見到大大個紅色燈籠寫住"串燒" ; 口痕痕又唔夠飽就走咗入去try 吓;
原來呢間日頭係賣台式嘢; 夜晚再做串燒。
問咗老闆有咩推介; 佢話可以try 吓個牛小排同埋燒牛肋條
!
咁老闆推介就try 吓啦! 另外仲叫咗個牛油粟米; 鹽燒雞中翼串; 同埋鹽燒秋刀魚
諗住個牛小排係一串咁上; 點知原來係燒好再切片上! 要咗五成熟; 上到黎都幾大份吓; 食落D肉好"林" 好有牛肉味! 超正!!!!!!!!
不過好飽!
燒牛肋條; 雞翼同秋刀魚都唔錯; 不過值得推介反而係最普通既牛油粟米! 粟米燒到岩岩好; 又香又甜! 勁想encore 多一客
