小城鎮 (已結業)

一入到餐廳已經好有美國小城鎮嘅風味，無論裝修，環境，甚至擺設同配套，都幾乎一樣。近窗邊有一個小型沙律吧，有沙律，腸仔， 南瓜沙律等等，連埋不同嘅醬汁，主菜之前食下可以消下暑。主菜方便叫咗一個all day breakfast(燒雞扒)， 上菜嗰陣時都已經好震撼， 分量非常之大，兩塊薯餅，兩隻雞蛋， 兩條腸，蘑菇， 茄汁豆，少少沙律，雞扒，同多士。雞扒入味，吾會有雪味，雞蛋厚身， 其他都係好味, 用呢個價錢食到咁大份又好食嘅早餐,正!香煎安格斯西冷牛扒配薯條(10oz)5成熟，燒到啱啱好,牛味好重，薯條外脆內嫩。凍朱古力鮮奶咖啡咖啡味好濃，奶嘅鮮甜味，兩個加埋非常之夾，夏天飲都是一個好選擇。