但起碼有三個朋友話 食大排檔一定要食東寶
東寶位於渣華道街市2樓 2樓有唔少食市
東寶係中間 朋友訂左位 730pm
訂位時講明 遲到5分鐘就唔留枱 所以我地都唔敢遲到
一去到就有位
一去到 已經人山人海
泰國人奶油炒雜菜 。
朋友覺得幾得意叫黎試試 個咖哩好香 奶油味好香 但唔會太膩 仲有埋麵包多士俾你tim
荷葉蒸花甲 。
其實荷葉味唔突出 但係花甲本身鮮就好好味喇 荷葉將花甲鮮味留番係入面
南乳炸豬手。
鍾意食軟軟既豬手既朋友 會覺得佢炸得太乾 冇左咬筋既口感 但佢個南乳醬唔錯！好香 同豬手好夾
風沙雞 。
大部分大排檔都必有既 雞都算滑
蠔餅。
又係大排檔必叫既食物 蠔唔算多 但煎得夠脆
炸大腸 建議你同菠蘿一齊食 減低油膩感覺 出奇地夾
2樓有好多食店 當晚係星期五
成個2樓都人頭湧湧 好有大排檔風味
