竜王居酒屋 (已結業)

喺附近嘅和富薈新開左好多餐廳～一望埋去地下嘅日式居酒屋「竜王」好搶眼! 餐廳格調走中高檔，樓底高空間感十足，座位濶落舒適，set lunch有魚生丼有熱食，全部百零蚊幾抵食！ 🍣 竜王卷 $108🐉竜王卷係呢度嘅招牌菜，超強嘅龍船造型～配五顏綠色嘅壽司卷，唔食得都睇得！招牌菜果然唔簡單，上層放滿拖羅蓉同蟹籽三文魚籽，中間有大大隻炸蝦🍤配有味嘅飯底，一啖壽司多重口感，魚生鮮味，味道豐富，唔駛再點任何醬都好味，推介👍🏻👍🏻👍🏻🥩宮崎產煙燻黑豚 $78 一上台超香煙燻味！厚切黑豚肉油肪香氣撲鼻 ，肉質軟嫩有咬口，配上蜜糖芥末醬簡直錦上添花！一試愛上！🥗日本海膽流心忌廉餅 $68炸至酥脆嘅金黃色外皮，咬開有流心既海膽忌廉，勁 creamy同海膽香濃，配蔬菜沙律🍣左口魚邊火炙壽司 $28 店員推介嘅左口魚邊火炙壽司，經炙燒後更將魚油溶化，食落軟滑甘香，油香美味最後點左兩款串燒～分別係厚揚（即係炸豆腐）同青椒仔！兩樣都好好味！滿分💯！