竜王居酒屋 (已結業)

和富中心呢度原來有間都唔錯嘅居酒屋，價錢算親民又食到幾好嘅壽司同小食！我地兩個人食到飽都只係用左400蚊左右，食下野吹下水幾唔錯。最緊要係坐得舒服，座位又闊落，坐好耐都冇問題。🍴 竜王卷 ($108) + 火炙油甘魚腩配柚子胡椒 ($32) + 三文魚火炙壽司 ($18) ⭐️⭐️⭐️⭐️當然點都要試下個signature嘅竜王卷，一上菜都知係唔少野，個龍碟都嚇死你。所謂竜王卷，其實係炸蝦壽司，面頭有拖羅同魚子，食得出幾新鮮，必食！🍴 日式煎餃子 ($48)+ 芝麻雞翼 ($48) +串燒雞軟骨 ($28) + 鱈魚干 ($38) ⭐️⭐️⭐️⭐️呢d小食全部都唔貴，飲住野吹水真係一流，全部即叫即整，所以上菜都仲係熱辣辣脆卜卜。餃子煎到金黃，外皮少少燶好香口，芝麻雞翼醃得好入味，入口香脆可口。串燒雞軟骨調味充足，送酒首選！最估唔到嘅係鱈魚干，個人認為最喜歡，好似食緊薯片咁，薄薄地一片一片，味道鹹鹹地唔會好口渴，真係可以encore再encore! .............................. 竜王地址📍:北角和富道21-53號和富中心地下G30號舖總評分: 8.4/10 .......