牛牛日式火鍋放題 (北角匯二期) (已結業)

今日約咗friend喺北角食飯，因為我哋兩個都好鍾意打邊爐嘅關係，所以食飯當然都係揀返火鍋店🤤今次我哋就揀咗喺北角匯二期嘅牛牛日式火鍋放題到食飯😋去滿足我哋對打邊爐嘅慾望！🥘關東壽喜燒鍋🥘呢個完全係正宗壽喜燒嘅味道！賣相好可愛，有兩朵切成梅花形狀嘅蘿蔔喺入面，令到湯底冇咁單調，而且味道非常濃郁！放食物入去煮，好似食緊壽喜燒咁！我自己本人好鍾意❤️🐮丸，牛丸魚蛋🐟呢間餐廳丸嘅選擇都幾多，就算係放題。佢哋嘅質素都非常高👍🏻。 口感非常彈牙。拎嚟打邊爐真係冇得輸😋🐟極之鰹魚鍋🥘完全係湯如其名！有非常濃郁嘅鰹魚味！完全食得出廚師落咗好多鰹魚去煲呢個湯底👍🏻👍🏻！味道啱啱好，唔會太鹹，而且非常鮮味。超正！🦑明太子墨魚滑🦑有好濃郁嘅墨魚味，同明太子嘅辣味，味道特別得黎仲非常惹味！墨魚滑爽口彈牙，加埋一粒粒嘅明太子，口感非常有層次，而且味道都非常豐富😍。呢個真係勁好食😋