首先有一份前菜，係鵝肝配上雜莓醬、雪糕筒，鵝肝煮得剛熟，口感軟淋，配上清新嘅雜莓醬同埋無花果片，令鵝肝口感更加清新唔油膩
大閘蟹膏意大利飯, 刺身紅蝦 $198
主食叫咗一份大閘蟹膏意大利飯, 刺身紅蝦，意大利飯用上大閘蟹膏，紅蝦放喺意大利飯上面，表面鋪滿咗大閘蟹膏，入口鮮甜。意大利飯表面仲加咗唔少芝士碎，口感creamy又香濃
蒜香麻椒巴黎牛油汁, 燒龍蝦尾 $258
另一份主食就叫咗蒜香麻椒巴黎牛油汁, 燒龍蝦尾，意大利麵入面加咗番茄仔、蒜片、香料、花椒粒，所以意大利麵有啲麻辣風味，有一個已經切開咗嘅龍蝦尾放喺面條上面，肉質爽口，加上具獨特風味嘅麵條，配搭幾特別
可可米蘇 $58
叫咗一杯特飲，用上朱古力醬配搭牛奶，仲加入咗店家自製嘅提拉米蘇忌廉，順滑既朱古力加上略帶酒味嘅忌廉，香甜美味
Pina colada $78
另一杯特飲叫咗cocktail，用上班蘭葉、椰子汁、椰漿、菠蘿等製成，入口有明顯嘅酒香，充滿熱帶風情
Tiramisu心太軟 $78
甜品叫咗一份心太軟，熱騰騰嘅心太軟表面仲加咗一球雲呢拿雪糕， 切開心太軟，入面嘅朱古力流心仲帶有熱氣，香濃口感，加埋雲呢拿雪糕一齊食啱啱好
土耳其無花果.香橙.骰子牛角酥, 雜莓醬 $58
另外一份甜品就叫咗土耳其無花果.香橙.骰子牛角酥, 雜莓醬，方形牛角酥表面淋上一層雜果醬，並且加入香橙粒、無花果粒，酸甜雜莓醬同牛角酥都幾夾
