北海道食堂 (已結業)

早兩日同老公 行完一田 同老公講好耐冇食過放題 佢就話知道沙田中心有一間 跟住就過咗沙田中心# 北海道食堂 去到門口已經有人等緊位 好在都唔使等好耐就有 侍應 都好有禮貌 坐低冇幾耐就畀餐牌我哋揀 我哋揀咗 #北海道食堂極上放題 二百零蚊價錢算公道👍🏻最緊要啲食物新鮮， 我哋叫咗北寄貝希靈魚 油甘魚 帶子 之類嘅刺身， 雖然切得細件啲🤭但係樣樣都好新鮮好好味， 絕對要提嘅就係 極上鐵板， 即叫即整，果然係唔同嘅， 鐵板蝦 好大隻仲要好 彈牙 好有蝦嘅鮮味😋😋 鐵板鵝肝 不但脆邊， 仲有好香鵝肝味 另外串燒都唔失禮👍🏻 即叫即燒 尤其是牛脷我食咗好多串🤣🤣 當然仲有其他炸物 天婦羅 日式火鍋 我都試唔曬， 仲有啲啤酒 汽水 任飲 雪糕任食 我決定下次要再返嚟食多次 試埋其他嘢🤣🤣