SAMA HK (已搬遷) 新店位置

北海道其中一樣名物就系湯咖喱，年中在小樽試過之後覺得平時好少食，真系幾好食，但可惜香港無。如今發現呢間新開既日式咖喱店，做既正正是北海道湯咖喱，知道之後即刻打卡，哈哈！我其實去左2次lunch，由於地理位置比較偏，所以lunch唔洗排隊。我食過蝦湯咖喱同椰汁咖喱，蝦湯咖喱比較稀，清湯既質地，同我在北海道食既基本上一樣，好食。 椰汁咖喱好結，同平時食既星馬咖喱有d似，不過都好食，帶d甜。其實一共有3種咖喱底可選：蝦湯，椰汁，番茄。選好咖喱底之後就選配料：海鮮，雞髀，納豆，漢堡扒，雜菜。之後選辣度，平時食得辣既應該從10度起叫。主食默認為飯，但可以加$10換拉麵或烏冬。每個咖喱都有雜菜同半蛋。我第一次食椰汁+漢堡扒+飯+10度。唔知系咪椰汁比較甜，稀釋左d辣度，所以我覺得一d都唔辣，相對系好容易接受的。但漢堡扒好"鞋", 真系唔欣賞。朋友叫左椰汁湯底+雞髀+烏冬+3度辣，呢個雞髀同我北海道食既好似，大隻但煮到好“琳”，一叉落去就散了，好食。第二次食蝦湯咖喱+雜菜+拉麵+13度。蝦湯咖喱系海鮮湯底，無椰汁中和既情況下，13度真系會辣。朋友點左蝦湯咖喱+海鮮+拉麵+5度辣，呢款正是我在北海道食