燒肉酒場 (已結業)

之前去北海道嘅時候都已經留意到成吉思汗燒肉，係一種使用羊肉製作而成嘅日式烤肉料理，係北海道最具代表性嘅鄉土料理之一，成但係可惜一路都冇機會試～估唔到原來香港都有得食呀！食嘅方法比較特別，响圓拱形嘅成吉思汗專用燒肉盤上塗油，燒肉盤四周鋪滿蔬菜，有洋葱、椰菜同埋香菇。之後就燒各種肉類（主打羊肉），等肉汁浸入蔬菜入面～燒肉酒場羊肉大盛包含六款唔同嘅羊肉：羊柳、羊西冷、羊腿、羊卷肉、羊腩同羊後膝，每一款羊味都好濃郁。個人最鍾意羊卷肉，肉質夠淋，落少少成吉思汗粉，更添滋味！美國安格斯西冷油脂分布均勻，肉質夠淋但又有咬口，牛味濃郁，肉質鮮嫩，配搭柚子鹽，味道更有層次～白玉粟米呢款日本白玉粟米生食又或者熟食都可以，超級爽甜～羊肉石鍋飯有少少韓國嘅風味，配料有菠菜、泡菜、芽菜、羊肉同埋蛋黃，加入少少辣醬撈勻佢食，熱辣辣，好滋味呀！桂花烏龍水果茶清爽解膩，又唔會太甜，飲落仲有好多百香果果肉～用嚟配食燒肉一流。