影片
更多
2012-04-21
58 瀏覽
下午3時左右行到嚟深水埗北河街市政大樓2樓熟食中心, 望到水牌寫住「芽莊城」10號就用對眼周圍掃掃, 原來左邊鋪號是1至10, 右邊是倒數20至11, 咁熊夫婦就小心翼翼咁踏着濕滑又油的膠地磚, 穿過檯與檯之間並避開別些店鋪員工拉客的眼神, 走到來10號鋪前, 首先聽到「事頭婆」連番向周圍食客致歉:「唔好意思, 今日特別多客, 送唔切咖啡, 下次再送過。」 最初熊媽聽到一頭霧水, 心諗: 唔係嘛...我特登為杯滴滴咖啡嚟喎, 嚟到無就好大鑊喎! (要知道請得郁熊爸嚟街市熟食中心係超難度的事, 他最怕污糟邋遢, 地面濕滑)好不容易找到兩個位坐, 因為千祈咪見到吉位就亂坐, 其他食店嘅阿姐會趕人走 坐底睇餐牌, 想叫orders最好親自行上鋪前落, 熊媽見到人地舉極手都無侍應生理會。 排隊叫orders時發覺唔見咗「事頭婆」, 原來佢好親力親為咁去咗送外賣, 後來還聽到她和其他員工講話唔好再接外賣, 今日做唔切。 熊媽望到厨房入面只有「事頭」one man band咁煮食, 要兼顧炸嘢, 又要顧吓煮湯粉等等, 厨房前那張大檯面同時是落單、收銀、水吧嘅重地, 大檯附近地面放了層層疊層
好不容易找到兩個位坐, 因為千祈咪見到吉位就亂坐, 其他食店嘅阿姐會趕人走 坐底睇餐牌, 想叫orders最好親自行上鋪前落, 熊媽見到人地舉極手都無侍應生理會。 排隊叫orders時發覺唔見咗「事頭婆」, 原來佢好親力親為咁去咗送外賣, 後來還聽到她和其他員工講話唔好再接外賣, 今日做唔切。 熊媽望到厨房入面只有「事頭」one man band咁煮食, 要兼顧炸嘢, 又要顧吓煮湯粉等等, 厨房前那張大檯面同時是落單、收銀、水吧嘅重地, 大檯附近地面放了層層疊層層顧客食過嘅碗碟餐具, 可知道真係非常忙碌 呢餐飯等得好漫長, 由落單到送嚟第一款食物足足有46分鐘之久(催都唔好意思催, 因為聽到女侍應生都不斷向其他等待中兼鼓噪的食客say sorry), 熊媽排隊叫orders時見到有食客怒撕那張手寫單話: 「唔等啦!」兼走咗去。 等待時熊媽還要安撫熊爸, 唯有打趣說:「喺越南食生牛河都係喺街市食, 都係咁嘅環境, 咪當自己去咗越南旅遊囉」(不過同檯旁邊那兩名飲啤酒, 吮雞翼的男食客真是很不濟, 雞骨周圍吐, 口水花亂飛, OMG)
終於下午3時50分, 第一樣食品送到
法式茄汁牛腩飯$28 連熱飲一杯...汁底較稀, 茄汁唔夠味因為紅蘿蔔搶了不少味道, 有點什菜湯的影子, 牛腩炆得好腍, 肉質是瘦中有肥, 輕輕的就可以咬開；飯煲得偏軟, 撈汁會散開。
越式拼盤(春卷2件、風沙雞翼2件、蝦餅2件、扎肉幾片) $43...全份都很好吃, 春卷皮脆餡多, 帶點煙韌, 餡料有木耳絲、紅蘿蔔絲等清爽口感, 包生菜葉沾碌冧來吃是更加酸甜清新；雞翼皮香脆, 肉多汁, 脹卜卜兼有爆蒜香味；蝦餅彈牙夠老實, 唔係外邊買的機製貨
生牛肉河粉(細碗)$22連熱飲一杯...聽說正是越南地道口味, 送來時是沒有香葉, 可要求另外送上, 「事頭婆」給我一株薄荷葉、一角青檸及四粒指天椒粒, 但熊媽比較想要別人的金不換 呷一口湯...味道較淡, 淡得來帶清, 金邊粉較薄, 不夠韌勁, 肥牛片肉味充足, 幸好有落香葉來提鮮但始終鹹味不夠。
特登為滴滴咖啡而來
把咖啡粉放入鋁製的滴漏壺裏, 沖入熱水, 蓋上蓋子, 靜待咖啡一滴一滴咁滴入杯裏
滴滿後再落煉奶, 輕輕攪拌, 「事頭婆」話煉奶能黏住杯底的咖啡粉而不會飲到成口渣, 不過熊媽那杯的煉奶全溶入咖啡中, 根本沒有黏住咖啡粉, 咖啡粉有吃到, 味道也不是差。 滴滴咖啡味道香醇, 不覺得有酸味, 而且煉奶令到咖啡多一分圓滑、油潤, 聞落香而不攻鼻, 很舒服最後, 食餐的人潮開始陸續散去, 「事頭婆」開始為每枱客人送上最初所講的「咖啡」, 其實是越南即溶三合一咖啡粉, 她說會比滴滴咖啡更好飲, 想買? 找「事頭婆」吧~
張貼
