Odelice! (海之戀商場)

之前經過都已經想試吓，尤其佢個環境咁靚。試左2人晚市套餐，揀咗蟹肉牛油果他他、帶子燴飯、阿根廷安格斯肉眼牛扒同開心果焦糖燉蛋。蟹肉牛油果他他呢個前菜又清新又健康，加左牛油果就好滑，夠晒輕盈～蟹肉又鮮甜！簡單嘅食材就組合到咁好味🤤帶子燴飯帶子肉質緊實，飯煮得軟糯適中，每一粒都充分吸收左海鮮汁，味道濃郁鮮美，飯底仲夾雜着八爪魚粒，勁有口感。阿根廷安格斯肉眼牛扒牛肉紋理清晰，切開後中間粉嫩色澤好誘人，睇落多汁又嫩滑，牛扒煎到外焦內嫩，有嚼勁，肉香濃郁。開心果焦糖燉蛋先係焦糖嘅脆甜，跟住係開心果燉蛋嘅絲滑綿密口感，味道非常濃郁。