影片
更多
2015-03-06
123 瀏覽
白熊與聖誕老人同樣都住係北極, 如何一反傳統, 玩轉聖誕節?!!Beep... Beep... Beep... Beep... 答案係...白熊食咖哩!!! 你會問 : 明明白熊咖哩原祖店就係北海道喎, 點解會同北極扯上關係的呢?!! 我會答 : 經常被姪女問到口啞啞的IQ題都係無厘頭的, 不要太上心, 笑下就算... 白色聖誕食咖哩喎, 你有無諗過先?!! 仲唔係一反傳統玩轉聖誕?!! 白熊喫茶館同白熊咖哩推出聖誕及元旦套餐... 2位$268, 4位$488... 包湯、前菜、Main Courses、甜品、飲品... 超級抵食!!!湯有西式的忌廉粟米湯及日式的味噌湯2種選擇... 忌廉粟米湯甜甜的, Creamy又暖胃... 前菜有溫泉蛋櫻花蝦銀魚凱撒沙律同田園沙律2種選擇... 2人餐選1客, 4人餐選2客... 凱撒沙律撈溫泉蛋食都係第1次, 弄破溫泉蛋撈勻令沙律菜比淨用沙律醬更香更Creamy... 伴碟的炸春卷皮頗脆口, 不油膩... 田園沙律相對較清新及輕盈... Main Courses肉類有4種選擇... 牛仔骨配牛咖哩汁、醬燒豬肋骨、七味雞腿燒配雞咖哩汁、
白熊與聖誕老人同樣都住係北極, 如何一反傳統, 玩轉聖誕節?!!
Beep... Beep... Beep... Beep...
答案係...
白熊食咖哩!!!
你會問 : 明明白熊咖哩原祖店就係北海道喎, 點解會同北極扯上關係的呢?!!
我會答 : 經常被姪女問到口啞啞的IQ題都係無厘頭的, 不要太上心, 笑下就算...
白色聖誕食咖哩喎, 你有無諗過先?!! 仲唔係一反傳統玩轉聖誕?!!
白熊喫茶館同白熊咖哩推出聖誕及元旦套餐... 2位$268, 4位$488... 包湯、前菜、Main Courses、甜品、飲品... 超級抵食!!!
湯有西式的忌廉粟米湯及日式的味噌湯2種選擇... 忌廉粟米湯甜甜的, Creamy又暖胃...
前菜有溫泉蛋櫻花蝦銀魚凱撒沙律同田園沙律2種選擇... 2人餐選1客, 4人餐選2客... 凱撒沙律撈溫泉蛋食都係第1次, 弄破溫泉蛋撈勻令沙律菜比淨用沙律醬更香更Creamy... 伴碟的炸春卷皮頗脆口, 不油膩... 田園沙律相對較清新及輕盈...
Main Courses肉類有4種選擇... 牛仔骨配牛咖哩汁、醬燒豬肋骨、七味雞腿燒配雞咖哩汁、吉列大蝦... 2人餐選1客, 4人餐選2客... 我係燒豬肋骨的Die Hard Fans, 一定係揀佢先... 燒豬肋骨肉質Juicy, 帶點焦香, 份量看似最多更抵食... 牛仔骨肉質柔軟, 咖哩汁味道中辛口感濃厚... 七味雞腿沒有肥膏, 啱我... 吉列大蝦沒有多餘油份, 脆脆的頗香口...
Main Courses飯麵類有4種選擇... 白汁焗海鮮飯、溫泉玉子牛肉咖哩焗飯、海鮮炒飯、卡邦尼意粉... 2人餐選1客, 4人餐選2客... 個人喜好排序係海鮮炒飯、卡邦尼意粉、溫泉玉子牛肉咖哩焗飯、白汁焗海鮮飯... 海鮮炒飯炒得乾身香口, 卡邦尼意粉Creamy味道無得輸, 溫泉玉子牛肉咖哩焗飯中辛味濃, 白汁焗海鮮飯較清淡...
好飽喲... 等我搬埋第2個胃出來先...
甜品係北海道特選3.7牛乳軟雪糕, 有2種新地醬選擇... 士多啤梨、朱古力... 我係朱古力痴, 無選擇... 原味雲呢拿雖然唔係我杯茶, 但朱古力醬遇到雪糕後冷卻成脆脆朱古力, 與軟雪糕一齊放入口, 又脆又滑, 仍可秒殺...
餐廳設有北海道特選3.7牛乳軟雪糕外賣專櫃...
飲品有3種選擇... 玄米綠茶、冷/熱咖啡、巨蜂乳酸特飲... 聖誕及元旦套餐餐飲可加$10(每杯)轉其他飲品... 我今日唔飲得凍飲, 最愛的巨蜂乳酸特飲無緣品嚐, 只好轉英式早餐紅茶, 茶味濃, 大大壺, 又幾抵飲...
以人頭計低於$150的聖誕及元旦套餐... 價錢相當超值...
張貼
