北園酒家

之前辛苦搶到旅發局優惠，特選25折優惠享用晚飯絶配 (原價 HK$500, 優惠價 HK$125)，包蒜茸或上湯開邊澳洲龍蝦1隻(約12兩)伊麵底 + 2份蠔皇8頭鮑魚伴花膠(各1件)，於是黎試試啦。公眾假期同周日唔可以用。地下搭lift上一樓，地方都光猛乾淨。

蒜茸或上湯開邊澳洲龍蝦1隻(約12兩)伊麵底

蒜茸或上湯開邊澳洲龍蝦1隻(約12兩)伊麵底

蒜茸或上湯開邊澳洲龍蝦1隻(約12兩)伊麵底

我地揀左上湯龍蝦。龍蝦都好大隻，啖啖肉，龍蝦肉好新鮮爽口鮮甜，正野！下底既伊麵明顯質素好過一般酒樓好多，條條分明，唔會一pat野，份量都多。仲加左少少蔥花調味。

蠔皇8頭鮑魚伴花膠

蠔皇8頭鮑魚伴花膠

蠔皇8頭鮑魚伴花膠

花膠就普通料，唔厚。鮑魚都彈牙，味道唔會過鹹，算啱啱好，伴有一棵西蘭花。


食完唔係好飽，無糖水送。收番原價加一，茶錢$15一位，酸菜雲耳無要。最後埋單每位$104，抵食。