影片
更多
2024-07-08
170 瀏覽
突然好想食北京填鴨， 朋友就諗起呢間中菜館， 話之前做節嚟過呢度食，食物質素幾好。北京填鴨半隻($268)無諗過份量咁多咁足料，食過其他餐廳既半隻連呢度三分一都無，仲要真係全部係皮同肉，唔係用骨舖底扮多，係堅多，兩個人食會食唔哂。片皮鴨既外皮非常香口香脆，皮下脂肪香滑，鴨肉細緻細嫩，一啲都唔會鞋同韌，配以京蔥、青瓜、甜醬包住一齊食，真係好滿足同飽足。魚香茄子煲（$98）超級熱辣辣香噴噴，一上碟個煲滋滋左好耐， 茄子軟硬度適中，唔會太硬或太散，茄子吸滿咸魚的咸香，加上肥豬肉碎嘅滑溜感，好入味，送飯一流。椒鹽蒜香白飯魚（$108）呢道菜好耐無食過，所以就算飽都係叫左，好彩無失望到。白飯魚好香脆可口，原本以為白飯魚好細條，但都幾大條。調味剛剛好，酥脆既外皮加上椒鹽蒜香既調味，而且一啲油益味都無。PS：服務幾好PS2：午市套餐會比晚市扺食好多
北京填鴨半隻($268)
無諗過份量咁多咁足料，食過其他餐廳既半隻連呢度三分一都無，仲要真係全部係皮同肉，唔係用骨舖底扮多，係堅多，兩個人食會食唔哂。
片皮鴨既外皮非常香口香脆，皮下脂肪香滑，鴨肉細緻細嫩，一啲都唔會鞋同韌，配以京蔥、青瓜、甜醬包住一齊食，真係好滿足同飽足。
魚香茄子煲（$98）
超級熱辣辣香噴噴，一上碟個煲滋滋左好耐， 茄子軟硬度適中，唔會太硬或太散，茄子吸滿咸魚的咸香，加上肥豬肉碎嘅滑溜感，好入味，送飯一流。
椒鹽蒜香白飯魚（$108）
呢道菜好耐無食過，所以就算飽都係叫左，好彩無失望到。白飯魚好香脆可口，原本以為白飯魚好細條，但都幾大條。調味剛剛好，酥脆既外皮加上椒鹽蒜香既調味，而且一啲油益味都無。
PS：服務幾好
PS2：午市套餐會比晚市扺食好多
張貼
