影片
更多
2015-08-19
466 瀏覽
今日黎荃灣同friend聚下，出到去成兩點幾，想求求其其食個下午茶餐，荃灣一向出名多野食，我地係城市中心行開，就去左附近既眾安街搵野食，經過呢間門口好似都幾旺就入左去試。去到既時候已經兩點幾，於是就食下午茶，我地叫左兩個焗豬扒飯，凍OT同熱菜蜜，有幾個下午茶menu，中西式粉麵等等，都幾多選擇，但因為好肚餓，所以求其叫左黎食。等左5-7分鐘左右，野食終於黎到:個飯都好大下，頗為多汁，鐘意食汁加飯既我當然非常受落，豬扒有一塊半，下午茶黎講算係幾多，側邊竟然仲有配菜，宜家好多茶記為左節省成本而冇落，而且飯仲有炒埋底!出面炒底一般要加幾蚊，佢35蚊有咁既份量真係稱得上為足料。味道方面就中上，豬扒冇雪味而且冇鬆肉粉既味，冇其他雜味蓋過茄汁既味係呢碟野既精髓!食食下仲見到有兩塊鮮蕃茄menu上面既'鮮茄'真係冇呃人，加埋面頭既芝士真係好過某知名連鎖快餐店大X樂Orz。凍OT就一般般，同普通茶記差唔多，$35係旺區食到咁既質素真係好抵!推!
去到既時候已經兩點幾，於是就食下午茶，我地叫左兩個焗豬扒飯，凍OT同熱菜蜜，有幾個下午茶menu，中西式粉麵等等，都幾多選擇，但因為好肚餓，所以求其叫左黎食。等左5-7分鐘左右，野食終於黎到:
焗豬扒飯+凍OT
$35
46 瀏覽
0 讚好
0 留言
張貼
