紅茶館 (已結業)

上星期有個教友話想幫個寶貝BB搞個生日會,記起我地教會附近有間紅茶館,之前都喺呢度食過HOLIDAY BRUNCH,D嘢食都幾好食,以$68呢個價錢有咁多嘢食都算係咁,於是就入去問下佢有無得包場,佢地話有,公眾假期要$2500,果度D職員話平日重抵,$1500就OK,可以玩4個鐘,重有K唱TIM,D職員重比左張$500嘅COUPON我,話只要叫滿$2500就可以當$500用,真係抵抵抵!我地果日廿幾人,叫左好多嘢食,值得推介個就係牛扒同三文魚扒,個牛扒7成熟,剛剛好,個三文魚扒就夠晒厚,燒得個面夠乾身得嚟入面又好滑,再配埋個鰻魚汁,一個字”讚”呀!果日個經理重送左盤好好味嘅啫喱糖比我地食TIM!