初心 (已結業)

星期五黎到一間隱蔽的日本餐廳，位置於麥加力歌街（即近太原街尾）的初心 ，平時比較少經過呢一個地方，原來臥虎藏龍樓上閣樓環境唔錯，私隱度極高，如果傾生意或者同親友聚會，就啱晒啦！叫咗個純血和牛大盛，和牛薄切，粉嫩顏色，牛肉肉質柔嫩，帶點肥油，正！ 下面嘅日本米飯仲軟綿綿，加上佢獨立嘅秘製汁醬，酸甜適中，能夠帶出和牛本身的牛味。除咗牛之外呢度仲有鰻魚同埋黑毛豬可以選擇。我就另外叫咗岩鹽燒熊本黑毛豬丼，黑毛豬肉的肥瘦比例剛剛好，但有些豬油香，加上另外的辣汁，更為開胃。隨丼飯附送的，還有蒜頭海帶小食，另外還有用和牛熬製成的麵豉湯。好有風味，回頭指數有75分，值得一讚。