新金鹿茶餐廳 (已結業)

上星期無無聊聊向左銅鑼灣方向行, 就係想搵下野食, 行行下見到呢間食店, 唔知點解每次見到呢間食店, 都梗係冇咩興趣行入去, 但為免以貌取人, 師傅決定豁出去, 所以就入左去試一試!入到去食店, 招呼欠奉, 師傅自動波咁行埋去張卡位度, 一坐低個伙計就已經喺師傅身邊出現, 好似要師傅即刻落單咁, 呢個舉動亦令師傅覺得好有壓力, 唔多舒服; 不過一個人始終容易落單, 所以就即刻柯打左個午餐B, 凍咖啡!午餐b係焗肉醬芝士腸飯, 仲有餐湯添, 師傅就揀左羅宋湯, 而羅宋湯好快就到, 賣相唔差, 餸料都幾多, 加上味道都幾好, 香香辣辣都幾惹味, 唔錯; 而焗肉醬芝士腸飯跟住就黎, 份量都幾大碟, 賣相唔差, 芝士味道好香, 而肉醬就酸酸地, 幾開胃, 反而芝士腸嘅口感差d, 比較膩唔多吸引, 而飯係炒底, 都炒得幾乾身, 可以喎; 而凍咖啡味道夠香夠濃, 飲完口感唔會變酸, 唔錯!總括黎講食物質素可以收貨, 環境都叫中乾乾淨淨, 服務一般啦, 而價錢就三十四, 兩蚊凍飲, 埋單三十六, 有湯有飯有茶, 銅鑼灣區都算抵食; 師傅覺得呢間食店都可以一試, 不過食過呢個午餐後, 師傅覺得幾濟,