如果你無食過真滋味，唔緊要
如果你聽過真滋味而無食過，絶對係你人生既一大損失！！
個名夠晒簡單，甚至老土，但可以話係西環、港島、香港最好味既小食店
成間舖基本上無唔好食既野，長時間你都要排長龍等，雞脾賣到要訂你就知勁
3
無論如何都要先做個勞蘇食推介 —— 馳名烤雞脾
拎住已經香到爆，皮脆肉嫩，皮完全係完美燒烤個隻
肉質呈粉紅，最厚肉既位都係咁嫩滑
最出眾係佢自家秘制醃法，味道一試難忘
無食過你唔會知點解成三十蚊又排隊又等都咁多人訂咁多人專登遠道黎買
1
另一好出名既係炸墨魚嘴，小食店唔常有，風味十足
好味就梗係，爽口而多汁，如果撞啱有大粒個隻仲多汁仲正另一必食推介係黑椒煙鴨胸，好入味好正肉滑多肉汁，炸過都一啲都唔乾
火辣牛丸，比想像中辣，係辣椒辣味，好惹味幾正
加多個勞蘇食第二推介 —— 炸雞翼尖唔係日日都有，即叫生炸，生炸既風味食過就知正，醃得又好好味
唔會無肉，一試難忘仲要平到一個點點走得甩
次次黎望住真滋味婆婆公公在努力，心入面有啲感動
為小食、美味在努力，日日好長時間對住好多油煙，作息時間又差，大家幫襯時就一齊講多句多謝啦，多謝真滋味，珍惜一份滋味
#勞蘇食繼續推介雞中翼大魚蛋蝦卷鮮蝦卷蟹蚶泡菜餃子窩心豆卜
#碗仔翅足料到一個點
#排隊等都唔好燥啦多謝多謝多謝
