壽司盛 (已結業)

壽司盛，位於旺角同太子之間，超旺地段，外賣或者立食，見到好多人買個手卷拎住食好似去左葵廣咁🤣壽司、刺身、手卷、丼飯等都有，選擇算係好多下💡價錢仲要幾親民，係店入面等仲可以睇住師傅製作，超快手😳先試刺身，非常靚既賣相，每款兩切，叫左三文魚同三文魚腩，兩款都好厚身三文魚好鮮🐠三文魚腩望到已經知油脂好夠，超肥美，魚油味好濃😋甘海老估唔到咁鮮，帶鮮甜味，好正👍🏻帆立貝，比平時食到既大粒，相當厚身✨刺身咁正壽司都應該好味，好彩有叫三文魚腩壽司，都係咁肥美，油甘魚壽司都唔錯😌本鮪拖羅，幾大舊魚肉，口感唔錯，鮮味夠😆三文魚籽軍艦，唔算好大舊但好多魚籽，魚味爆發🤤丼飯時間，燒鰻魚丼，鰻魚大塊到見唔到飯💯燒汁好味，加埋大件鰻魚同珍珠米，食得夠爽😇整體壽司、刺身都係靚、鮮既材料，丼飯抵食好味，性價比相當高！🥳