樓下冰室

連續幾天假期，節目都不外乎食、食、食。 假期第一餐，就由番茄麵開始，好耐冇去樓下冰室食嘢，非常掛住佢嘅瑞士汁雞脾，所以叫咗個套餐有齊蕃茄湯公仔麵、瑞士汁雞脾、配炒滑蛋，再加多杯鴛鴦走。
個麵一貫味道，幾好味；瑞士汁雞脾都好味，不過似乎醃耐啲更好；但今餐最敗筆就係杯鴛鴦走，冇啡味冇茶味亦冇煉奶味，唔知飲緊乜。 做冰室連水吧嘅質素都控制唔到，似乎冇咗 “冰室” 嘅精神！
另，似乎用好多味精，之後下半晝口渴到不得了！！