聆渢咖啡廳

營業中

休息中

一放寬即刻去食個晚餐自助餐。當時唔多人，裝修咗之後，位同位之間隔得好遠，坐得好舒服。全場嘢食好多，唔使自己落手，全部都係廚師幫手拎。樣樣食物都OK，但冇一樣係超級有記憶點。媽媽話腰果炒肉丁最好食。我就覺得黑椒炒龍蝦鉗都唔錯，但有小小凍。魚生類都算幾新鮮。室外都有最出名既燒烤，燒鴨燒菠蘿燒腸仔。仲有燒鹿肉，但我就冇勇氣試。鍾意食芝士都有烤芝士，但得薯仔做配菜，比較溜。如果你鍾意食甜品，你可能會失望。因為佢每種甜品都似街坊餅店嘅甜品。最好食係Hagen dazz雪糕。