占占酸辣米線 (已結業)

我記得旺角有間叫占占酸辣米線嘅食物水準好高，今次同朋友行開嗰頭就去試下。今次點咗招牌沙嗲村屋三寶米線，入面有豬皮、牛柏葉、魷魚，每款都新鮮可口，重點係個沙嗲醬，完全係港式味道而且有花生碎粒，絕對要試，清湯底完美食出沙嗲味，加上細長幼滑米線，好食！另外叫左清湯底米線，配料有秘制手打牛丸同埋炸魚角，米線好食不在話下，牛丸超級彈牙又好有牛肉味，係必食之選，炸魚角同樣有魚鮮味道。另外炸燒賣及炸墨魚丸係即叫即炸，值得一試，特別係炸墨魚丸。如果大家鍾意食車仔麵咁自己揀餸，可以嚟占占酸辣米線。