御勝牛 (勝利道) (已結業)

和牛係日本共有分 黑毛和牛 褐毛和牛 日本短角種和無角和種。日本流通嘅市場九成都係黑毛嘅和牛。而高級嘅品牌和牛都係日本國內出生同埋喺豐富嘅大自然環境之下成長嘅。今次嘅御勝和牛牛丼，就正正係日本直送和牛做出黎嘅，一入到間舖頭已經聞到好重嘅牛肉香味，個飯送到埋嚟嗰陣熱辣辣，飯嘅熱力將牛嘅油溶到落去飯裏面，每一啖飯都有陣陣牛油香味，如果覺得油利嘅話，跟餐嘅麵豉湯又可以俾你解下滯，配合得好好，雖然份量唔細，但係好快就已經食晒真係好好味，下次一定要再嚟食買佢哋嘅竹炭黑白和牛熱狗，同埋蕎麥面先。勝利和牛牛丼$88這是一個餐，包括麵豉湯日本秘製黑蒜漿汁，食落真係一試難忘，佢嘅葡萄臀肉當$68都好吸引，但係我同朋友都係和牛愛好者，以免爭食。🤣當然如果不值太貴嘅話仲有其他嘅選擇，和風牛肉檔同埋日式叉燒烏冬，都只不過係$48姐。仲有一個細心位就係，就算舖頭細細好難放你個袋或者外套，櫈下面都有一個箱可以俾你放低你嘅重要物件唔使放喺地下，抵讚！