影片
更多
2015-09-14
2782 瀏覽
我覺得 "勝八" 係好適合香港人口味嘅日式料理，唔係話呢度嘅日本嘢食唔正宗，而係佢真係選擇咗一啲香港人好鍾意食嘅素材，刺身有肥美嘅三文魚大蝦，珍寶巨型帶子，樣樣大件夾抵食，完全係中曬香港人想要嘅嘢。今日同我黎"勝八"既呢個男仔朋友，就係因為佢好鍾意食三文魚嘅，成日呻想大食特食三文魚, 除咗去迴轉壽司之外，香港好多嘅日本料理店好少將佢放落刺身度，明知三文魚受港人歡迎，未能一飽口褔。今次同佢黎 "勝八", 即一次過滿足晒佢作為港人嘅所有訴求。當然刺身如果剩係得好似三文魚, 無其他有份量嘅刺身就真是就會失色不少，佢鍾意食三文魚同埋貝殼類，我鍾意食蝦同魚，所以大家七嘴八舌，各自各 order 一啲自已鍾意食嘅刺身, 形成我哋個人特色嘅拼盤。我哋嘅刺身包括北寄貝 (HK128), 花竹蝦 (156/2 pcs) ,巨型帶子 (HK 120/2 pcs), 同黑鯛魚 (HK 188)。巨型刺身拼盤上枱，謀殺左我哋唔少菲林 七彩繽紛嘅刺身， 100%係我哋自己嘅心水, 更添幾分吸引。朋友見到三文魚即刻興奮無比，三文魚放係一個小築通常更顯佢霸氣呢。呢度選用新鮮嘅北寄貝。平時我哋食嗰啲紅紅地北寄貝,
今日同我黎"勝八"既呢個男仔朋友，就係因為佢好鍾意食三文魚嘅，成日呻想大食特食三文魚, 除咗去迴轉壽司之外，香港好多嘅日本料理店好少將佢放落刺身度，明知三文魚受港人歡迎，未能一飽口褔。今次同佢黎 "勝八", 即一次過滿足晒佢作為港人嘅所有訴求。
當然刺身如果剩係得好似三文魚, 無其他有份量嘅刺身就真是就會失色不少，佢鍾意食三文魚同埋貝殼類，我鍾意食蝦同魚，所以大家七嘴八舌，各自各 order 一啲自已鍾意食嘅刺身, 形成我哋個人特色嘅拼盤。我哋嘅刺身包括北寄貝 (HK128), 花竹蝦 (156/2 pcs) ,巨型帶子 (HK 120/2 pcs), 同黑鯛魚 (HK 188)。
巨型刺身拼盤上枱，謀殺左我哋唔少菲林 七彩繽紛嘅刺身， 100%係我哋自己嘅心水, 更添幾分吸引。朋友見到三文魚即刻興奮無比，三文魚放係一個小築通常更顯佢霸氣呢。
呢度選用新鮮嘅北寄貝。平時我哋食嗰啲紅紅地北寄貝, 一般都係有經煮處理食過, 新鮮嘅北寄貝, 唔容易食到, 口感非常之爽口~大有貝殼海產獨有嘅鮮味。帶子嘅體型比檸檬仲重大，見到已非常滿足，HK 60 @好抵食。由於新鮮嘅關係, 雖然非常巨型但帶子本身嘅質地都仲係非常彈牙, 一啖一件，問你點樣抗拒。
薄切黑鯛魚鋪成一對一對對耳朵耳朵美麗嘅花，點上松露油，居然完美地出奇地配合
松露人本身已經係非常之獨特而有個性既食材。黑鯛本身嘅質感同鮮味，不但無比松露掩蓋, 點上松露反而令佢嘅鮮味得出, 加上佢嘅質感帶點膠質同爽脆, 更和諧地帶出黑鯛本身獨有嘅味道, 白食不厭 牡丹蝦係刺身上嘅常客，今次我改咗花竹蝦，花竹蝦比嘅牡丹蝦蝦身更結實爽口，雖然佢冇牡丹蝦甘鮮甜，係比牡丹蝦更清爽。
提提大家-- 呢度伴碟嘅海藻都非常新鮮，伴少少醬油同Wasabi食, 非常清新可口。唔好以為佢淨係一個伴碟嘅海藻而浪費，全部食得嫁~!晒千祈唔好浪費
另外我哋仲叫咗個 蟹肉多士 HK 34。
呢個蟹肉嘅粉絲一定會中意。最上面有軟軟既蟹膏，中間用咗好多新鮮蟹肉碎，下面係一個脆多士。用蟹膏嘅日式料理唔多, 但係蟹膏偏偏就係成隻蟹嘅精華，我覺得非常超值, 值得一試 最後男仔朋友話想比個飯落肚會實際啲。
我啲問咗下店員有咩好介紹？佢哋推介左我哋食佢嘅茶漬飯。但係佢哋個茶漬飯並唔係用綠茶做湯嘅, 為咗更有口感, 同切合香港人鍾意嘅口味, 大廚改咗用魚湯同明太子。目的亦更有營養同埋美味。
魚湯本身就係香港人嘅最愛, 明太子本身帶點 salty, 將明太子融入魚湯裏面, 就唔需要額外添加任何嘅調味料, 魚湯茶漬飯真係非常之特別, 姑且勿論魚湯茶漬飯係唔係日本嘅傳統 menu, 但係香港人一定會非常之受落
題外話/補充資料：
鍾意勝八嘅原因, 係因為呢度嘅裝修都好有風格, 非常之日式亦都有啲似居酒屋。好最鍾意佢個海鮮 Bar, 可以見到一條條新鮮魚，同埋各種各樣嘅刺身。
你話勝八為客人大大件嘅刺身, 又有啱香港人口味嘅材料, 我點會唔成為佢嘅常客吖~
勝八係我食刺身嘅首選之一 。
(以上食評乃用戶個人意見 , 並不代表OpenRice之觀點。)
張貼
