HeSheEat (綠楊坊) (已結業)

同屋企人行完荃豐中心本身諗住行返去路德圍搵野食，但行過見到hesheeat 又幾掛住呢度嘅甜品就決定呢度食晚餐。小食蟹肉棒跟芝士年糕蟹棒好巨形，咬落都仲幾juicy。巴馬臣火腿意式蕃茄水牛芝士意粉意粉上面放左兩大塊巴馬臣火腿，周圍仲有蕃茄同水牛芝士作為點綴。意粉煙煙煙韌韌而且由於闊身嘅關係，所以食起上黎都掛左唔少醬汁。鮮魷墨汁意粉食完個嘴會變黑，味道就少辣，而鮮魷魚都幾彈牙。芝士汁鮮蛋意大利粉-白菌、煙腩肉、溫泉蛋 （即係carbonara）甜品本身想叫朱古力三重奏，但最後都叫左楓糖，梳乎厘入口即溶 ，一上枱就見到佢動L ，勁過癮。