組長日式放題 (已結業)

即興想食放題，但旺角區冇乜好選擇，見到呢間新開，富有冒險精神既我地，當然會去試下啦！現場環境，冇乜裝修，得十零張檯，地方很細。我們七點前到，因為七點後要 $168。坐低得幾檯客，心有一點點兒......但反正坐低左便立即叫野食。刺身：款式好像多但我們只喜愛三文魚、甜蝦和貝類，一般新鮮，不過吞拿魚就有奇怪的鹹味。壽司、手卷及軍艦：那舊飯真的超級大，而且飯很黏，很多人也選擇不吃或吃剩。這點真的要改善，適當size便可，不然真的很浪費。天婦羅及炸物：即炸熱辣辣，特別係蝦天婦羅，佢地encore左幾次。爐端燒：大部份也太鹹和太乾，唯雞軟骨和墨魚咀比較可取。另粟米面太多鹽好鹹，菠蘿又唔知點解落七味粉攪到好辣。清酒煮蜆：粒蜆肉就好像一毫子咁細粒。蒜香三文魚骨腩又是乾哂柴。芝麻菠菜：新配搭，芝麻味是香，可惜菠菜是沒味的，大家混不埋。薄餅：全晚最驚喜的食物，熱辣辣，餅底仍是脆的。最後我想講係點解有芬達橙汁而提子汁卻是美連達呢？綜觀各方面：以呢個價錢 $148，還有九折，真的不可要求什麼！不過真的要有很大的改善空間。