MOO MOO Plus (百德新街) (已結業)

經典之堡 $118漢堡以安格斯牛肉手打而成，都幾厚身，牛味唔錯，唔會煎得太乾，焦糖洋蔥濕潤香甜，配埋招牌MOO MOO醬幾滋味，麵包都唔錯，幾鬆軟。雞翼拼盤 $88揀咗水牛城、鹹蛋黃兩款口味，雞翼外脆內嫩，乾身唔太油膩，水牛城醬酸中帶辣，惹味又開胃，鹹蛋黃醬厚厚包住雞翼，齒頰留香。卡邦尼意大利麵 $128呢度除咗主打漢堡之外，仲有薄餅、意粉等其他主食。自製卡邦尼醬香而不膩，掛滿煙韌麵條，煙肉加上巴馬火腿，散發煙燻香氣同鹹香風味。