塩玉居酒屋 (已結業)

出名嘴刁嘅我，食咩都好有要求！大多數都係有彈無讚！但今次真係想讚呢間日本餐廳！因為佢呢度唔係高級嘅酒店入邊餐廳！但係啲服務質素極高，甚至比好多酒店嘅服務更好！加上呢到用既食材好高質素！好新鮮！真係要推！推！推！前菜：甘酢車喱茄想像唔到既味道！本身我係一個唔識車厘茄嘅人嚟嘅，服務員同我講話佢用咗陳皮去整，再加上我朋友同我講一定要試吓！一食落口有啲茄味，但一咬落去就有梅梅地既陳皮味，再加上車喱茄內既汁，成粒茄嘅味道昇華左！酒肴：鐵板鰻魚我係好鐘意食鰻魚既，咬落好脆口，有點焦味，外脆內軟！不用加汁都好夠味！汁物：舞茸白身魚荼壺湯（季節性食品）清香既湯！飲左一口會追住黎飲，好清甜香口，完全帶出白身魚嘅鮮味！再試試加左佢個檸汁，又有另一番風味！但又能夠保持到鮮味！必試！天婦羅：松葉蟹蚶海膽海膽非常新鮮，入口即溶！同喺日本食相比也差不得很遠！正！天婦羅：日本蛋黃帶出一個新鮮感，我冇諗過原來蛋黃係可以咁好食！佢外面有啲炸粉，但成粒拍落口嘅時候, 蛋黃心出嚟加埋佢出面脆口既炸粉，絕配！**此餐廳會因應季節性以食材有所調整，所以唔係每次去都有得食㗎！佢帶到比我好多新鮮感， 一定唔會返嚟再食呀！