影片
更多
2022-06-15
197 瀏覽
3-6-2022(Fri)端午節假期晚,我同老公行完街就諗食咩嘢,佢諗起去Donki食壽司,於是走嚟,可惜堂食已滿,外賣亦停咗,於是喺food court搵嘢食,由於我晏晝食得太飽,所以只可以輕食,我去睇勻幾間嘢食,就同老公講,我只要呢間$158.00嘅5串日式串燒套餐,其他就由老公自己決定.最後,佢只喺呢間買嘢食,就係買咗呢個套餐,加$58.00要埋燒牛舌同凍奶茶.等咗一段時間,所有嘢都有齊,見到原來重有一碗牛魔皇烏冬.燒牛舌其實呢個係老公買嘢時,個女人推介,叫佢買埋就有嘢飲.而呢個竟然唔熱,我冇諗過我哋等咁耐,佢會係唔熱,即刻一早燒定放喺喥冇人買?呢個味道口感只屬正常.味道:3分5.串日式串燒有和牛,豚肉,雞肉,金菇肥牛同秘製雞肉燒餅.雞肉,普通不過.味道:3分和牛,我將佢用竹籤拆落嚟時,竟然可以散晒,喺未知係咩嘢嚟時食,覺得有啲甘,似食膶但又有啲牛味,唔通係牛肝?睇返相至知係和牛,咁就sorry,呢個好差.味道:0.5分豚肉有四件,我食第一舊時,成件只係肥油,完全冇肉,食第二件就半油半肉,感覺好搵笨.味道:0.5分金菇肥牛,最正常最好味.味道:4分秘製雞肉燒餅,都係普普通通.味道
其他就由老公自己決定.最後,佢只喺呢間買嘢食,就係買咗呢個套餐,加$58.00要埋燒牛舌同凍奶茶.
等咗一段時間,所有嘢都有齊,見到原來重有一碗牛魔皇烏冬.
燒牛舌
其實呢個係老公買嘢時,個女人推介,叫佢買埋就有嘢飲.而呢個竟然唔熱,我冇諗過我哋等咁耐,佢會係唔熱,即刻一早燒定放喺喥冇人買?呢個味道口感只屬正常.
味道:3分
5.串日式串燒有和牛,豚肉,雞肉,金菇肥牛同秘製雞肉燒餅.
雞肉,普通不過.
味道:3分
和牛,我將佢用竹籤拆落嚟時,竟然可以散晒,喺未知係咩嘢嚟時食,覺得有啲甘,似食膶但又有啲牛味,唔通係牛肝?睇返相至知係和牛,咁就sorry,呢個好差.
味道:0.5分
豚肉有四件,我食第一舊時,成件只係肥油,完全冇肉,食第二件就半油半肉,感覺好搵笨.
味道:0.5分
金菇肥牛,最正常最好味.
味道:4分
秘製雞肉燒餅,都係普普通通.
味道:3分
牛魔皇烏冬,呢個都係正常冇問題.味道:3分
凍奶茶奶味重啲滑啲,老公估計係午後之奶茶,而唔係呢間嘢自己沖.
老公就話嗰5串串燒完全唔掂,其餘兩樣都好食,但都唔會再幫趁.
抵食係1.5分
張貼
