心裡有素 (已結業)

呢間係🚇油麻地嘅素食🌿自助餐，除咗放題😍之外仲有外賣🥡多餸飯，或者淨餸🧆，而且各款食物都會源源不絕🥰供應添！平日午市🤤任飲任食75分鐘只係💰$78，抵食好味又多🧆菜式，唔怪之得日日都😆人頭湧湧啦。炸物係我至愛，呢度嘅炸南瓜🎃、炸番薯🍠同埋炸雜菇🍄都十分之香脆可口😋。但係佢哋最正👍嘅就係呢一個🍍咕嚕合桃，佢嘅口感都幾似咕嚕肉😆，咬落十今鬆化，味道酸酸甜甜好開胃🤤！冷盤之中涼皮煙靭少少🤏麻辣🌶，蕃茄🍅鮮甜配埋個甜酸涼拌汁味道好夾🤤。呢度嘅熱🔥盤款式亦都十分之😍豐富，而且會不停refill👍。有嘢食😋之外，亦有老火🥣湯飲。呢度飲品🍹款式唔算太多，不過有🫖熱茶、🍵玄米茶、🥛豆漿、🥤雞骨草同埋我最😍鍾意嘅檸檬🍋薏米水！蒸品有蒸番薯🍠同埋粟米🌽，唔知係唔係你🥰心水呢？沙律🥗吧所有食品醬料都有蓋蓋住，乾淨衛生，除咗沙律菜🥬之外，仲有紅菜頭同埋幾款水果，今日有哈密瓜🍈、蘋果🍎同埋菠蘿🍍，都幾豐富。呢度全部素食🌿都不含五辛🧄，但係都一樣咁美味可口😋㗎！自助形式，🤤食幾多拎幾多，大家記得唔好浪費食物😉。