有多款🍢 串燒精選
🐷 鹽燒西班牙五花腩
- 外層微焦香脆，啖啖油香入口即化，好邪惡但停唔到口。
🦑 泰式墨魚鬚
- 酸酸辣辣超開胃，墨魚鬚咬落彈牙，濃郁香料味超正。
🌰 鹽燒日本銀杏
- 日本銀杏係我最愛，入口軟糯帶焦香，有淡淡苦味，越食越香。
🍗 鹽燒雞腿肉 & 雞皮
- 雞腿肉鮮嫩多汁，燒得啱啱好；雞皮脆卜卜，香氣十足。配返支啤，perfect！
除咗串燒之外，都有一啲🥗 熱盤小碟
🦀 蟹粉荳苗
- 蟹粉味濃郁，荳苗滑嫩，一啖香、一啖鮮，好滿足。
🍠 日式淮山
- 燒得外脆內軟，口感清爽帶微甜，簡單又好食。
食完之後，當然唔少得好有🍤 D創意嘅串燒推薦
🦐 墨魚滑紫菜大蝦
- 煙韌有層次，大蝦爽口彈牙，勁有紫菜嘅香味，超驚喜。
🦆 焦糖菠蘿鵝肝多士
- 鹹香鵝肝配菠蘿焦糖甜味，口感豐富又高質，試完之後超鍾意！
🐟 九肚魚
- 炸皮酥脆，魚肉細嫩冇腥味，簡單好味。
🍨 甜品 & 飲品
🍦 焦糖雪糕三文治
- 呢個甜品真係飯後嘅超級推介，香甜唔膩，雪糕綿滑，焦糖味濃，完餐甜點首選。
🍋 手打檸檬茶
- 茶味濃，新鮮檸檬帶香氣，超解膩。
🍊 桔仔薄荷梳打
- 冰涼清新，微甜帶薄荷香，一飲就refresh晒。
真心推介，呢度真係抵食又有氣氛！串燒選擇多、味道好、價錢實惠，啲員工又親切，感覺好有人情味。無論係想放鬆吹水、慶祝生日，定放工輕鬆一下，呢度都係超好選擇。
