影片
更多
2016-08-17
16693 瀏覽
上個月同朋友慶祝佢搵到新工，朋友話想食燒肉，但大家又想平平地儲下錢，最後上網Search見到盛八既兩小時放題9點半入座只係$228再加一，價錢吸引，Comments仲幾好， 而且我中環收工收8點，去到行陣街就有得食，成件事完全夾哂，所以我地都無諗太多就決定一於就食呢間！個晚我地準時九點半去到，侍應安排我地坐卡位，幾闊落舒服，傾計都自然傾得開心暢快D！Dinner Buffet每位都有一份澳洲黑毛和牛，見Menu上面話可以加＄50升級至日本鹿兒島和牛，我地大家都係好牛之人，見到張相都流哂口水，緊係點都要轉一份試下啦！澳洲黑毛和牛澳洲黑毛和牛切成薄片，色澤鮮紅好吸引，油脂分佈亦算平均， 我唔中意食太熟既牛，同埋薄片牛肉好快熟，為左唔好浪費左塊靚牛，所以我都只係輕輕燒左幾下就食啦。和牛既牛味好重好濃，不過就唔係太有油脂香，肉質較實，但都幾好味。日本鹿兒島和牛加錢換既日本和牛當然品質更加優秀，賣相有100分，油脂分佈比澳洲和牛細密得多， 食落好有油脂香，質感非常嫩滑，差唔多可以話係入口即溶！ 只係需要加$50就可以食到咁高質既日本和牛，真心超抵！ 另外我地本住「係咪都要俾咁多錢，緊係咩都要試下
朋友話想食燒肉，但大家又想平平地儲下錢，
最後上網Search見到盛八既兩小時放題9點半入座只係$228再加一，
價錢吸引，Comments仲幾好，
而且我中環收工收8點，去到行陣街就有得食，
成件事完全夾哂，所以我地都無諗太多就決定一於就食呢間！
個晚我地準時九點半去到，侍應安排我地坐卡位，
幾闊落舒服，傾計都自然傾得開心暢快D！
Dinner Buffet每位都有一份澳洲黑毛和牛，見Menu上面話可以加＄50升級至日本鹿兒島和牛，
我地大家都係好牛之人，見到張相都流哂口水，
緊係點都要轉一份試下啦！
澳洲黑毛和牛澳洲黑毛和牛切成薄片，色澤鮮紅好吸引，
油脂分佈亦算平均， 我唔中意食太熟既牛，
同埋薄片牛肉好快熟，為左唔好浪費左塊靚牛，
所以我都只係輕輕燒左幾下就食啦。
和牛既牛味好重好濃，不過就唔係太有油脂香，
肉質較實，但都幾好味。
日本鹿兒島和牛加錢換既日本和牛當然品質更加優秀，賣相有100分，
油脂分佈比澳洲和牛細密得多， 食落好有油脂香，
質感非常嫩滑，差唔多可以話係入口即溶！
只係需要加$50就可以食到咁高質既日本和牛，真心超抵！
另外我地本住「係咪都要俾咁多錢，緊係咩都要試下」既心態，
想叫勁多放題Menu上面既野食。
而呢到好好地每一份食物既Size都好細，
所以大家每樣野都可以先試少少， 好味先再加單，
咁就唔怕叫得多食唔哂啦！
先講燒肉類，牛肉有牛肋骨肉、牛胸腹、牛仔骨、牛五花同牛舌， 豬肉就有豚腩肉、黑豚肉同豚拖羅，
另外仲有雞腿肉、鴨胸、雞翼、魷魚鬚、活蜆同魚餅，
而且每款仲有揀得唔同既醬料醃製既口味，
例如韓式辣醬、五色胡椒、岩鹽青檸等等， 以放題黎講選擇算豐富。
味道方面，牛肉類普遍都唔錯，肉質中上， 個人特別中意五色胡椒一口牛同鹽燒牛舌！
但要數到最有驚喜既估唔到係芝士櫻花黑豚肉， 燒過既豚肉帶有微微焦香，肉味香濃， 再加上芝士，
令我呢個牛肉控都不得不Encore左三次！
海鮮類既活蜆細細隻但都好鮮甜，亦可一試！
除左肉類我地都有燒蔬菜，燒大蔥朋友勁中意， 而我就覺得佢個香草牛油燒大蘑菇勁有牛油香， 咬落又多汁！
除左主打既燒肉之外，個到亦有多款熟食俾大家揀，除左前菜、小食同沙律之外， 連飽肚既炒飯同鳥冬都有。
粟米忌廉薯餅薯餅炸得岩岩好，表面一層金黃色既吉列炸皮夠香脆，
而且熱辣辣，做餐前小食岩哂。
金目鯛沙律無論幾為食都好，食燒肉始終都想食D菜黎墊下肚，
呢到都有四款沙律俾客人揀， 叫左款比較特別既金目鯛沙律，
加左黑松露幾香，魚生刺身不算太有鮮味，
不過都係為左食菜而叫，總算成功減低罪惡感。
自家製海鮮煎餅呢款一般般有少少失望，薄薄一塊，唔多食到有海鮮，
但點埋醬汁食既味道還可以，
當係普通香蔥煎餅咁食會比較好。
雙色蟹籽龍蝦沙律豆腐呢個冷豆腐好特別咁加左蟹籽同龍蝦沙律調味，
沙律醬令滑溜既凍豆腐有香濃芝麻味，蟹籽述令口感更豐富。
盛八冷讚岐烏冬食完熱辣辣既燒肉再食返碗冷凍既烏冬可以降降火，
簡簡單單既烏冬好難出事，用左煙韌既讚岐烏冬口感一流。
最後當然唔少得甜品啦，呢到有兩款雪糕，分別係盛八淇冰同豆腐雪糕。
豆腐雪糕(前)豆腐味道突出，甜度適中，
如果唔係因為已經食得太飽既話我諗我會再食多球！
盛八淇冰其實佢都係用左豆腐雪糕做底，但再加上左黃豆粉同焦糖醬，
豆腐雪糕本身味道清新，所以加上焦糖醬都唔會太過甜膩，
如果覺得淨食雪糕太齋既話可以揀呢款。
個晚我同朋友都飽到捧住個肚走，
而且出單都出得幾快，亦無漏單既情況，
大約＄280一個人左右就食到咁高質既燒肉放題，絕對值得一食再食！
張貼
