喜友此里

又係我地兩小口啦。今次我地去左她比較熟悉既元朗，搵到間感覺幾有創意既傳統冰室，入到去坐低坐位空間都尚算ok，裝潢用左好有香港特色既風格。佢地個餐牌改名上別有用心，有幾款食物睇到個名都已經想試，例如個暗然銷魂飯。之後我地叫左兩個午寶，因為餐牌簡介好似冇咁飽肚。點知一上枱，一碟有2個奶油包、1塊大雞排、1推菜、1塊薯餅同1隻蛋，之後仲要跟一碗通粉，兩個人share都夠哂飽。佢叫左芝士通粉，而我叫左肉醬螺絲粉。兩個通粉都整得好好味，個薯餅比較實，若然可以鬆脆少少就完美。雞扒都煎得岩岩皮脆肉嫩，奶油包都焗得岩岩好。係1間值得一去再去既冰室。

1

午寶